الجو كان هدوء وسكينة، والعيال نايمين في سابع نومة، وجوزي الحمد لله مكنش موجود في البيت.. قولت بس! هي دي الفرصة يا بت يا حمدية، البيت فضي ليكي سجلي براحتك من غير ما حد يقطع اندماجك.
الاندماج القاتل:
دخلت في مشهد "عفاف" بعد ما عصابة سعاد والجدة جابوا آخرها، وقولت لنفسي: "يلا يا حمدية، ركزي وخذي نفس عميييق، وطلعي أحلى سويطة تهز الصعيد كله!"
رحت مدياها واحد "صوات" من قلبي ومن جووووه.🎤اااااااااااااااا. صرخة عفاف اللي بجد! وفجأة.. لقيت البيت اتقلب! العيال نطوا من على السرير ونزلوا يجروا في الصالة وهما مفزوعين، ومش فاهمين دي حرب قامت 💣 ولا زلزال ولا فيه حريقة🔥 في البيت ولا حرامي دخل علينا! 🏃♂️💨
أنا بقيت واقفة مش عارفة أهدي العيال ولا أداري صوتي من الجيران🫣 اللي لولا ستر ربنا كانوا هيخبطوا ويجيبوا لنا البوليس من القلق والصوات اللي سمعوه! قعدت ربع ساعة أحلف للعيال إن دي "أنا" وده "شغل" والله يا حبايبي مش صوات بجد. المهم ان العيال بصوا لي بصه كده غريبه تقريبا كده افتكروني مجنونه بس هم مش مصدقين اني عفاف اللي كانت بتصوت مش انا بس بجد يعني صعب عليا يا عيني عليهم بكره لما يكبروا هيقولوا ماما كانت بتخوفنا عشان الفن 🤣🤣
الخلاصة:
الحمد لله إن الليلة عدت على خير والجيران مابلغوش عني، قول عيال ما جالهمش صرع والحمد لله ان ابوهم مش موجود عشان ده لو كان صحي على صوتي وانا بصوت كان زماني عاد عند امي دلوقتي
تفتكروا بقى بعد كل الدراما دي، عفاف هتعمل إيه في سعاد والجدة؟ استنوا حلقة النهاردة وشوفوا الصرخة اللي صحّت البيت كله! 😂👇 قولوا لي يا حبايبي حد حصل معاه موقف كده بسبب الاندماج في الشغل 🤔
