يا صباح🌤 الهنا والتفاؤل.. يلا بينا نحقق الحلم! 🚀
يا صباح الورد 🌤والتفاؤل على كل اللي بيقرأوا المقال ده. النهاردة أنا حابة أكلمكم من قلبي عن الحلم. لو إنتِ أو إنتَ عايزين تبدؤوا في أي مجال حابينه، حتى لو مش مجالي اللي هو التصميم والكرتون، اسمعوا الكلمتين دول:
١. الإيمان بالله والثقة في النفس 🤲❤
٢. حبي الشغلانة عشان تحبك 🎨
اكتبي في ورقة، اختاري حاجة تكوني فاهماها وحباها، وأكتر حاجة تكوني حباها من قلبك عشان تكملي وإنتي مبسوطة وتستحملي.
ولو متعرفيش فيها حاجة؟ عادي جداً، اتعلمي! التعليم مش عيب أبداً حتى لو كبرتي.
قال الله تعالى في سورة الإنسان:
{وَجَزَاهُم بِمَا صَبَرُوا جَنَّةً وَحَرِيرًا}
يا ستي، ربنا سبحانه وتعالى بيطبطب على قلوب الصابرين، وبيقول إن جزاء صبرهم وتعبهم وسهرهم هو الجنة ولباس الحرير. وده أكبر دليل إن كل تعب ومجهود الواحد بيعمله بيجي في الآخر وربنا بيعوضه خير عليه.
ربنا يجعلنا وإياكم من الصابرين اللي ليهم أحلى جزاء يا رب! 😉❤️🌸
٣. خلي لك بصمة.. بلاش تقليد 🌺
٤. طلّعي اللي جواكِ للنور! 🎬
زعلانة؟ فرحانة؟ طلعي الطاقة دي في شغلك. حولي حزنك لحاجة تفيد الناس.
يمكن في البداية لما بدأت أعمل محتوى صعيدي، في ناس قالوا لي: "إيه الهيافة واللعب ده؟" بس أنا ما سمعتش كلامهم، وصدقت حلمي وقلت لنفسي: "أنا هنجح، واللي قال ده لعب عيال، بكره هيجي يقول لي برافو". والحمد لله لفت الأيام، وهما نفسهم اللي شكروني وقالوا لي برافو وعايزين يعملوا زيي. ومش بس كدة، ده أنا لقيت عائلة تانية وسند في كل مكان!
💡 الختام يا ستي:
انتم عارفين يا حبايبي المكسب مش بس فلوس ولا مشاهدات المكسب الحقيقي هي عيله زيكم كده بالظبط عيله تحبك وتخاف عليك تسال عليك ولما تعمل حاجه حلوه تقول لك برافو وتشجعك ولما تعمل حاجه وحشه تنصحك وتفوقك مش تدمرك وتلومك وتعاتبك انتوا بجد مكسبي الحقيقي اللي انا كسبته في الدنيا دي ومحبتكم غاليه جدا على قلبي وتاج على راسي
صباحكم كله تفاؤل وأمل، وربنا يسعد قلوبكم ويحقق أحلامكم جميعاً! ❤🌹🌹🌹🌹 وانا معاكم لو في اي حاجه عايزين تسالوها تعرفوها انا ما عنديش اي مانعه ان انا اجاوبكم على اي حاجه لو انا عارفاها مش هستخسر فيكم معلومه يعني ولو ما اعرفش عادي هقول ما اعرفش مش عيب (قولي لي بقى في التعليقات ايه اكثر حاجه بتحبي تعملوها ونفسكم تنجحوا فيها)
