يا ميت مرحب بيكم يا أهل الخير وعيلتنا الغالية اللي منور حياتى ❤❤❤❤
واصلين واصلين.. وعارفة إنكم مستنيين الجزء الجديد على نار! أحب أقولكم إن النهاردة ميعادنا مع الحلقة الأولى من الجزء الثامن اللي هتنزل النهاردة الساعة 8:00 مساءً إن شاء الله ♥
وصدقوني النهاردة ميعادنا مع حلقة تفرح القلب وتدّي طاقة حلوة وتفاؤل كده يروق البال! أنا عن نفسي وأنا بسجلها كنت مبسوطة ورايقة، وحاسة إنها هتعجبكم أوي.
عالم الكواليس بقى ده حدوته تانية..
يعني تلاقينا قاعدين، وأنا أتقمص الدور وأجي أنطق الكلمة.. وفجأة؟ ألاقي الضحك هجم عليّ من غير ميعاد! الـ 60 ثانية دول يا جماعة فيهم شوية ضحك وهزار طالع من القلب، عشان تحسوا إنكم معانا جوة الأستوديو.
استنوا هنا.. رايحين فين؟ في مهمه سريه ليكم
إنتوا عارفين إن "غالية" ربنا كرمها وهتجيب تلاتة (بنتين وولد) والمفاجأة إننا عايزين نختار أساميهم سوا يا غاليين. أنا عايزة منكم في التعليقات تكتبوا لي أحلى أسامي
ازاي هنختار؟
سيبوا أسامي البنتين والولد في التعليقات، والأسامي اللي عليها أكتر "لايكات" أو اللي هتتكرر كتير، هي دي اللي هنختارها ونعتمدها في المسلسل! يعني القرار في إيدكم يا عيلتي التانية.
دعوة حلوة من القلب:
وإنتوا بتتفرجوا على الفيديو، بالله عليكم تدعوا لي إن "الحاجة" اللي اتكلمت عنها في الفيديو ده تتحقق بجد.. دعواتكم بتفرق معايا أوي يا أهل الخير!
استنوني النهاردة الساعة 8:00 مساءً في ميعادنا مع حلقة جديدة وأحداث تفرحكم.. سلام يا غاليين!
